فلسطيني ممنوع اثور

قالولي اسكت ما تحكيش
أنت خلقت للتطنيش
للحواجز للمعابر للتفتيش
كتبوا على جبيني ينداس
من الضابط للشاويش
فلسطيني قالولي ممنوع أعيش
فلسطيني ممنوع أثور
ومش مسموح أكون مقهور
مش لازم أطالب بحقي
مش لازم أشوف النور
ممنوع أجدد هوية
ممنوع أجدد بسبور
فلسطيني ولازم أتعلم
هاي الشغلة ضد الدستور
فلسطيني لازم أتألم
من دون ما يشوفني دكتور
فلسطيني ممنوع أتظلم
ولا يطلع بجناحي ريش
فلسطيني ممنوع أعيش
.........................

فلسطيني بكل المطارات
اسمي بالأحمر مكتوب
وعلى شباك مصلحة الجوازات
كتبوا على جبيني مطلوب
لازم أتوقف ساعات
مذنب أو من دون ذنوب
ويتوجه إلي إتهامات
إني سبب كل الحروب
كإنو بسببي الحق مات
والعدل بأرضي مسلوب
وكإني سبب النكسات
وكل أزمات الشعوب
كإنو بسببي مجرم فات
على جنين بلحظة الغروب
وذبح صبيان وبنات
وعجوز على أمرها مغلوب
مع إنو الحقيقة أنا
إللي بالدنيا ضحية
عملتوني مادة للغنى
وقضية للي ما عندو قضية
أنا إللي راسي ما انحنى
بوجه الريح القوية
أنا إللي شعبي صمد
في الضفة والرشيدية
أنا إللي شعبي انتفض
وبحجر حارب دورية
اليوم وبكرة وللأبد
عنا كلمة وحدة هي

ربي خلقتني فأحسنت تكويني
وزدتني شرفا بجعلي فلسطيني

مشكووووور